Ձայն Բազմաց կամ Vox Populi

Հարգելի այցելու,

Այս էջը բացվել է Պատերազմի եւ խաղաղության լուսաբանման ինստիտուտի (ՊԽԼԻ) "Քաղաքացիական լրագրություն" թեմայով սեմինարներից մեկի ընթացքում, որի թիրախային խումբը Հայաստանում բնակվող ազգային փոքրամասնություններն  էին: 

2009-ից ՊԽԼԻ-ն կազմակերպել է մի շարք սեմինարներ` Հայաստանում եւ Լեռնային Ղարաբաղում բնակվող փախստականներին, ինչպես նաեւ լրագրողներին, ուսուցանելով քաղաքացիական լրագրության եւ սոցիալական մեդիայի Այբ-ն ու Ֆե-ն: 

Այս տարվա հուլիսի 23-25-ը մեր գրասենյակում անցկացվեց առաջին գործնական պարապմունքը` Հայաստանի ազգային փոքրամասնությունների համար:

Մասնակիցներից յուրաքանչյուրը սեմինարի արդյունքում ունեցավ իր բլոգը, եւ համացանցում "գրավեց" այլ պլատֆորմներ, որոնք, սեմինարի ավարտից հետո  ակտիվորեն թարմացվում են, արդեն առանց դասընթացավարների օգնությամբ: 

"Քաղաքացիական լրագրություն Հայաստանից"  կամ "Citizen Journalism from Armenia" բլոգը կփորձի դառնալ մի էջ, որտեղ մեր դասընթացների մասնակիցներն իրենց ներդրումը կունենան բազմակողմանի, ալտերնատիվ եւ հետաքրքիր տեղեկատվություն եւ նորություններ տարածելու գործում: Սա մի էջ է, որտեղ սկզբնական շրջանում մենք լսելի կդարձնենք մեզ հետ համագործակցող, տարբեր ոլորտներ ներկայացնող "քաղաքացիական լրագրողների" ձայնը: Իսկ ապագայում, մենք հույս ունենք, որ այն կդառնա մի տարածք, որտեղ իրենց ասելիքը կունենան մեր հասարակության այլ ակտիվ անդամները, նրանք, ովքեր կմիանան Հայաստանի "քաղաքացիական լրագրողների" առայժմ փոքրիկ բանակին: 

Սեդա Մուրադյան
Պատերազմի եւ խաղաղության լուսաբանման ինստիտուտի
հայաստանյան գրասենյակի ղեկավար:
Հեռ.  + 37410 53 92 04

Citizen Journalism for Representatives of National Minorities

Citizen Journalism for Representatives of National Minorities  

Institute for War and Peace Reporting (IWPR) organized a workshop on Citizen Journalism for

Representatives of National Minorities in 23-25 July, 2010. 

During the workshop the representatives of national minorities got acquainted with information dissemination tools in Internet, as well as basic principles and ethics that guide journalism. The seminar had theoretical and practical studies. 

As a result of the seminar, the participants obtained skills which will give them the opportunity to give voice to their community and its concerns through the Internet. 

On the first day of the workshop, the participants got acquainted with a number of Internet tools and programmes; they gained skills on Internet writing and posting their own stories there and did practical assignments. 

The second day of the seminar was dedicated to opening blogs, ethical principles of blogging and effective information dissemination through social networks. 

As a result of the workshop, the participants are now able to open blogs, learned how to use them efficiently and applied the skills gained right in the course of the seminar by preparing their own photo and video stories. The workshop was conducted by Gegham Vardanyan of Internews Media Support NGO and Arthur Papyan, an expert at Media Diversity Institute. 

The seminar is organized by the Institute for War and Peace Reporting supported by funding from the Foreign Ministry of Norway. 

«Քաղաքացիական լրագրություն ազգային փոքրամասնությունների ներկայացուցիչների համար»

Պատերազմի եւ խաղաղության լուսաբանման ինստիտուտը (ՊԽԼԻ) 2010 թ.-ի հուլիսի 23-25-ը կազմակերպելու է «Քաղաքացիական լրագրություն ազգային փոքրամասնությունների ներկայացուցիչների համար» սեմինար:

Սեմինարը մինչեւ 30 տարեկան, Հայաստանում բնակվող ազգային փոքրամասնությունների ներկայացուցիչների համար է:

Սեմինարի ընթացքում ազգային փոքրամասնությունների ներկայացուցիչները կծանոթանան համացանցում /ինտերնետում/ տեղեկություն տարածելու գործիքներին, լրագրության հիմնարար սկզբունքներին եւ էթիկայի նորմերին: Սեմինարը համադրված է լինելու տեսական եւ գործնական պարապմունքներով: Ընտրված մասնակիցները պարտավորվում են սեմինարի ավարտին ներկայացնել իրենց համայնքի խնդիրների մասին պատմող աշխատանք, որը կարելի կլինի տեղադրել համացանցում, բլոգներում, սոցիալական ցանցերում:

Սեմինարի արդյունքում մասնակիցները կտիրապետեն այնպիսի հմտությունների, որոնց միջոցով նրանք կարող են իրենց համայնքի խնդիրներն ու ձայնը համացանցում ավելի լսելի դարձնել:

Առաջին օրը մասնակիցները ծանոթանալու են համացանցային մի քանի գործիքների ու ծրագրերի, ձեռք են բերելու համացանցում մատչելի ոճով գրելու, առանց մեծ ռեսուրսների սեփական պատմությունները տեղադրելու հմտություններ, կատարելու են գործնական առաջադրանքներ:

Երկրորդ օրը նվիրված է լինելու բլոգ գրանցելուն, բլոգ վարելու կանոններին եւ սոցիալական ցանցերի միջոցով տեղեկատվությունը արդյունավետ տարածելուն:

Սեմինարի արդյունքում մասնակիցները կկարողանան բլոգ բացել, կսովորեն այն արդյունավետ աշխատեցնել, հենց ընթացքում կկիրառեն իրենց ստացած հմտությունները` ֆոտո կամ վիդեո պատմություններ պատրաստելով: Սեմինարի ավարտին յուրաքանչյուր մասնակից կունենա իր անհատական բլոգը, որն այնուհետեւ կարող է իբրեւ գործիք կիրառվել իր համայնքը կամ կազմակերպությունը, դրանց խնդիրներն ու նորությունները սոցիալական ցանցերում եւ ինտերնետում ներկայացնելու համար:

Սեմինարն անցկացնելու են Մամուլի աջակցության «Ինտերնյուս» ՀԿ աշխատակից Գեղամ Վարդանյանը եւ «Բազմակողմանի տեղեկատվության ինստիտուտի» փորձագետ Արթուր Պապյանը:

Սեմինարը կազմակերպում է Պատերազմի եւ խաղաղության լուսաբանման ինստիտուտը, Նորվեգիայի Արտաքին գործերի նախարարության ֆինանսավորմամբ:

Լրացուցիչ տեղեկությունների համար կարող եք դիմել Պատերազմի եւ խաղաղության լուսաբանման ինստիտուտի (IWPR) հայաստանյան մասնաճյուղի տնօրեն Սեդա Մուրադյանին +37491 220 719 հեռախոսահամարով:

Պատերազմի եւ խաղաղության լուսաբանման ինստիտուտի հայաստանյան մասնաճյուղ
0010, Երեւան, Եզնիկ Կողբացի 39
Հեռ/Ֆաքս + 37410 53 92 04
Էլ. փոստ` sedamur@gmail.com;zaraiwpr@gmail.com
Կայք` www.iwpr.net


Պատերազմի եւ խաղաղության լուսաբանման ինստիտուտը (www.iwpr.net) խաղաղություն եւ ժողովրդավարություն է կառուցում ազատ եւ անաչառ լրատվամիջոցների օգնությամբ: IWPR-ը գործում է անցումային շրջանում գտնվող ավելի քան 15 պետություններում: Կովկասում IWPR-ը ծրագրեր է իրականացնում ավելի քան 8 տարի: Հարավային Կովկասի ծրագիրը տարիների ընթացքում կարողացել է ստեղծել լրագրողների եզակի ցանց, ովքեր փոխադարձ այցելությունների, դասընթացների, վերապատրաստման ծրագրերի շնորհիվ կարողանում են ավելի հավասարակշռված մոտեցում ցուցաբերել մեր տարածաշրջանում զարգացումները լուսաբանելիս:

Պատերազմի եւ խաղաղության լուսաբանման ինստիտուտի գործունեությանն աջակցում են խոշոր դոնոր գործակալություններ եւ նախարարություններ, այդ թվում` ԱՄՆ Պետդեպարտամենտը, USAID-ն, Մեծ Բրիտանիայի արտգործնախարարությունը եւ DFID-ը, Եվրամիությունը, ինչպես նաեւ Նորվեգիայի, Դանիայի, Ֆինլանդիայի, Հոլանդիայի արտգործնախարարությունները եւ Շվեդիայի Զարգացման եւ համագործակցության գործակալությունը: